Астанада алаяқтық жасады деген күдікпен құрылыс салушылар ұсталды, деп хабарлайды қалалық прокуратура. Астана қаласы прокуратурасының нұсқауымен полиция департаментінің өндірісіне «R-Club» және «R-Club Deluxe» тұрғын үй кешендері үлескерлерінің ұжымдық арызы негізінде алаяқтық фактісі бойынша қылмыстық іс тапсырылды.Анықталғандай, үлескерлерден 4 млрд теңгеден астам ақша тартылған, алайда іс жүзінде құрылысқа 900 млн теңге жұмсалған. Құрылыс 2022 жылғы 4-ші тоқсанда аяқталуға тиіс болған, бірақ мерзімінде салынып бітпеген.»Құрылыс компанияларының басшылары ұсталып, оларға «күзетпен ұстау» түрінде бұлтартпау шарасы қолданылды. Жедел-тергеу тобы құрылды», — делінген хабарламада.Қазір қылмыстың қалған қатысушылары мен олардың активтері анықталып жатыр.
