Ресей Айдың полярлық аймағына барған алғашқы ел болуы мүмкін, өйткені басқа елдердің Айға осы уақытқа дейінгі сапарлары сәтсіз аяқталды.Натан Эйсмонт: «Бұл бағдарламаның соңғы кезеңіне жеткенде біз талай жылдан бергі келе жатқан сұрағымызға жауап ала аламыз. Эволюцияның қалай дамығанын білетін боламыз. Бұдан да бөлек қызықты деректерге қол жеткізуіміз мүмкін «, — деді Натан Эйсмонт.Сарапшы «бұл өте жақсы технологиялық нәтиже болады және жалпы Күн жүйесінің эволюциялық процестері мен Жер — Ай жұптарының қалай дамығанын түсінуге мүмкіндік береді» деп үміттенеді.Ол келесі «Луна — 26» ұшырылымы 2025 жылға жоспарланғанын еске салды.Сұхбатында Натан Эйсмонт жарты ғасырға жуық Ресейдің Айға алғашқы миссиясы туралы, сондай-ақ айдың полярлық аймағына қонуы керек «Луна-25» автоматты планетааралық станциясы туралы көбірек айтты.Сонымен қатар ол осы экспедицияның негізгі мақсаттарына тоқталды.Айта кетейік, 11 тамызда Ресейдің «Луна-25″ автоматты ғарыш станциясы ұшу жолына шықты.»Союз 2.1 б» зымыраны Астана уақытымен сағат 5.11-де Восточный ғарыш айлағынан ұшырылды. 9 минуттан кейін «Луна-25» станциясы бар «Фрегат» үдеткіш блогы зымыранның үшінші сатысынан бөлініп, жер орбитасына шықты.»Луна-25″ күрделі рельефі бар айдың оңтүстік полюсі аймағына жұмсақ қонатын алғашқы станция болуы керек.Алдыңғы станция «Луна-24» 1976 жылы Байқоңырдан ұшырылды.
