Ресей спорт министрі Олег Матыцин Қазақстанның елшісі Дәурен Абаевпен кездесуінде ШЫҰ спорттық ойындарын өткізу идеясын бірлесіп қолға алуды ұсынды, деп хабарлады РФ Спорт министрлігінің баспасөз қызметі. 2024 жылы Қазақстан ШЫҰ-ға төрағалық етеді.
"Біз ШЫҰ аясындағы спорттық ынтымақтастықтың әлеуеті зор екеніне сенімдіміз. Ресей осы алаңда бірқатар бастама көтеріп үлгерді. Біздің қазақстандық достарымыз өздерінің төрағалығы аясында ШЫҰ-дағы спортты дамыту іс-шараларын қолдайды деп үміттенемін. Өз тарапымнан барынша көмек көрсетуге дайынмын", – деді Олег Матыцин.
Сонымен қатар Матицын қазақстандық спортшыларды 2024 жылы Ресейде өтетін барлық ашық спорттық іс-шараға, соның ішінде Қазандағы Болашақ ойындары мен БРИКС ойындарына, Мәскеу мен Екатеринбургтегі Достық ойындарына қатысуға шақырды.»Біз тікелей диалогқа ашықпыз және Қазақстан спортшыларын Ресейде өтетін барлық халықаралық спорттық іс-шараға шақырамыз», — деді ол.Тараптар 2024-2026 жылдарға арналған екі ел арасындағы спорттық ынтымақтастықты дамытудың Спорттық іс-шаралар жоспарын әзірлеуді жандандыруға келісті. Матицын Қазақстан делегациясын 2023 жылдың қазан айында өтетін «Ресей – спорт державасы» халықаралық форумына қатысуға шақырды.
